ASF tuar nasaber dawttu Lawngtlai District. LADC thuneituten Vawksa zuar an enfiah.

Lawngtlai District chu tun dinhmun ah Mizoram a District zingah Vawk Pulhri (ASF) vanga tuar nasaber dawrtu a ni mek.

Sorkarin a chhinchhiah danin kumin chhungin Lawngtlai District ah ASF vanga Vawk thi 2151 awmtawhin, heng zinga 1757 chu ASF thihpui niin, Vawk 394 chu Hri an kai vanga tihhlum a a ni thung. Lawngtlai District a Khua / Veng 18 chu ASF lenna niin, chhungkua 380 ASF hian a nghawng buai. Lawngtlai District aiin Siaha District in ASF hi tuar nasa zawkin Vawk thi 4126 a awm tawh.

ASF vang hian District Magistrate chuan khapna thupek a chhuah chung pawn, District pawn atangin Vawk lakluh a awm tih LADC Sorkar lam chuan hriaiin, nimin khan thuchhuah siamin, Ran Doctor ten Vawk hrisel a ni tih an finfiah chauhlo chu zawrchhuah a khap zui ve leh a, tukin khan Lawngtlaia Sa zawrhna hrang hrangte Pu C.Lalhmunsiama Sanitation & Waste Management Officer, LADC leh a thawhpuiten fangin, phalna neilova Vawk talh mi pahnih an man a, danangin an chungah hremna lekturin an ti.