Vathuampui ah khawtlang huapa tawngtaiin RD Block an neitheih nan pathian an dil.

Lawngtlai District Vathuampui ah vawiin khan Pathian hnenah khawtlang huapin Rural Development Block an neitheih nan an tawngtai.

Vawiina khawtlang huapa tawngtaihona YMA Hall, Kanan Veng,. Vathuampuia neih hi Upa CK Sanga Chairman, RD Block Demand Committee Vathuampui chuan kaihruaiin, Kohhran hruaitute kaihhruaina hnuaiah a huhovin  tum li an tawngtai a, Pathian hnen ah RD Block an neitheihna tura an dil bakah Vathuampui khawtlang tan leh Primary Health Centre,  Police Out Post an neihtheih nan te,  Rural Bank, Horticulture leh Agriculture Office,  Higher Secondary School an neihtheih nan te an tawngtai bawk.  Rural Development Block an neihtheih nan a hmalakna kalpui tawh dan te sawilan a niin, hmalakzel an tumdan te sawilan a ni bawk.

Rural Development Block, Demand Committee, Vathuampui te hian kum 2000 atang tang tawh khan Vathuampui Block hawn a nihtheih nan State Sorkar ah ngenna vawi engemawzat an lo thlen tawh a, a hunlai angzelin Sorkar inthlak chhohvah pawh RD Block an dilna hi chawlhsan lovin a theih ang angin an bawhzui chhozel a, tuna ZPM Sorkar ah pawh helai bialin hmasawnna nasa zawk an neihtheih beiseiin RD Block hi dilchhunzawm nise tiin, vawiin khan an thiltihte tluangtaka an kalpui theih nan Pathian hnena dilna hun khawtlang huapin an buatsaih a ni.