Upa Vanramnuama Tuithumhnar chuan Sanghal in a beihna vangin nunna a chan.

Pu Vanramnuama kum 40, Tuithumhnar, Lawngtlai District chu Sanghal in a beihna vangin nunna a chan a, vawiin khan vuiliam a ni.

Tuithumhnar VC Member Pu Lalzamlova hnen atanga The Lawngtlai Post dawndanin Pu Vanramnuama te hi Buhsengin an riaka, nimin khan riah chawhmehtur zawngin a chhuak a, Chengkawl leh Chakai te khawrh tura a chhuak chu zanlam thlenga thlam ah a let takloh vangin a riahpuite ngaihtha lovin an zawng a, an lo atanga hlavaklovah Rawthing hung bul ah ruang hi hmuh a ni ta a ni.

Ramriakte hian khawtlang hruaitute hrilhriain, Police lam pawh hriattir niin, mitlawmngaiten ruang hi hlawmin tukin zing dar 6 vel khan khua thlenpui a ni.

Pu Lalzamlova'n a sawidan in Pu Vanramramnuama hi BCM Upa niin Sapel in a chhuak ngailova, a chawhmeh zawng hi Nghalchang nen an intawngfuh palh ni a an rin thu a sawi a, hmuhtheih ah chuan a ringruh a tliak a, a mal leh kap vel ah hliam dang pawh hmuhtur a awm nual.

Pu Vanramnuama hian a nupui leh a fate panga a kalsan a, vawiin khan Rev.Liansangpuia;n vuiin, Tuithumhnar thlanmual ah phum a ni.