PWD Lawngtlai Division chuan khawpui chhung kawng thawmthat hna an thawk mek.

Tunlai hian PWD Lawngtlai Division chuan Lawngtlai khawpui chhunga an enkawl kawng thawmthat hna an thawk mek.

Fur ruahtui tlain ziaawmlam a pan chho tan a, PWD Lawngtlai Division chuan tunkar khan khawpui chhunga kawng chhelai thawmthathna an thawk tan a,  Lawngtlai Bazar atanga  New Vengpui leh Vengpui panna kawng khuar hnawh chu hna hmasa ah an neih a, helai kawng hi Christian Hospital leh SP Office panna kawng a nih bak ah Zirna School pawimawh leh Office pawimawh dangte panna a niin, nitinin zawhtu an thahnem thei viaua, kawng khuar nasa vangin harsatna a thleng nasain, hna thawhtheih hun hmasa ah PWD lam chuan siamthat hna hi ngaihpawimawh hmasak ah an nei a ni.

PWD Lawngtlai Division hian an kawng enkawlte hi a tlo zawk nan fur ruahtui tlaklai pawn kawngkam tihfai leh tuihawk luankawr thenfai hna te an thawk thin a, thallaiin kawng chhe zuallai siamthat hna hi a tuldan angin kumtin thawh an thawk thin.