KVK Lawngtlai chuan Buh tui leh hlawk RCM 13 (Manipur buh ti a hriat lar) chu Lawngtlai District ah hlawhtling leh hlawk takin a thar theih tih an finfiah.
Vawiin khan Sihtlangpui a KVK Lawngtlai Demonstration-cum-Instructional Farm a RCM 13 an chin chu an senga, Manipur buhtui tia tualchhunga hriatlar RCM 13 hi kum kalta lam ah pawh hlawhtling takin KVK Lawngtlai hian an lo ching chhin tawh a, vawikhat hlawhtling taka tharchhuah mai chu duhtawk lovin, kumin hian an ching chhin leh a, hlawhtling takin an tharchhuak leh ta a ni.
Dr.C.Lalfakawma Senior Scientist & Head KVK, Lawngtlai chuan Leilet zawl leh Tlangram ah an ching ve ve tih sawiin a pahnih hian hlawhtling takin an tharchhuah thu a sawi a, Buh tui leh thar hlawk bawk si an chin chhinna a hlawhtling thei chu Kuthnathawktute tan thil lawmawm tak a ni tih sawiin, hetiang Buh hi thlathum leh tlem ah seng maitheih a ni a, enkawl a awlsama KVK Lawngtlai chuan Kuthnathawktute tan chin tlak a ni tih an finfiah thlap a nih vangin a tuipui leh chingduh tan KVK, Lawngtlai emaw Agriculture Department lam hotute biakrawn theih reng an nih thu a sawi.