.jpg)
Nang leh kei hi Ruihhlo leh mipat hmeichhiatna hman sual leh HIV/AIDS lakah hian kan lo him a nih paw’n, Lawngtlai hi a him velo tih hi i pawm ngam ang u.
I him ringawt hi a tawk lova, i khawpui a himloh chuan i kawngka bulah Ruihhlo in a hmuak reng che a, tihdam theihloh hri in a chang reng che a, nang leh i chhungte hi an him reng dawn tih sawilawk theih a ni miahlo.
Ruihhlo hi Central YLA hnuaia DRS ten theihtawp chhuahin an dova, an do hnehlo, mantur an nei reng, do hneh chilah a ni heklo, DRS te hian hmala lose, Lawngtlai dinhmun tur hi ngaihtuah phakbak hian a chhia ang. Awmhmun atanga DRS fak ringawt hi a tawkzo tawh lova, an tha tichak tura hmalak a ngai.
Record en ila HIV/AIDS vei tamzia a hriat theiha, tuallai nun zalen lutuk, khawpui thanglai, inti neitu bik awm lemlova zalen taka mahni duh dan dana talna khawpui ah Lawngtlai hi a chhuakzo ang tih a hlauhthawnawm a, DRS hruaitu pakhat chuan Hmeichhe inzuar an awm nual thu a sawi a, rapthlak tihna lam aiin ka chhungkuaah hetiangmi an awmloh chuan veizui ahar kan ti tlat laite hi khawpui hmangaihna thinlung a ni theilo. Tlawmngaipawl te mawhphurhna tamtak a awm laiin, anni hi chu Sorkar tha tichaktur atan hmanrua tangkai tak an ni a, Sorkar hian hmalakna tur a ngah takzet.
Lawngtlai hi a him lova sualna chi hrang hrang sawisenloh a zalen mek, dan leh thupek kenkawh kawngah hmalatute an hlawhchham letder a nilo, hmalatute hi an tlem lutuka an hnehlo a ni mah zawk awm e.
Kan khawpui a himloh miau chuan tunah him mahla, kan himloh hun a hnai hle tih pawm la, kan vei chuan awmzia a nei ngei ang.