Mizoram Journalists' Association leh Home.Department tangkawp buatsaihin vawiin khan Lawngtlai Press.Club ah Cyber Crime Seminar neih a ni a, Adviser to Chief Minister Dr.Lorrain Lalpekliana Chinzah, Lawngtlai East MLA chuan khuallian niin a hmanpui.
Dr.Lorrain Lalpekliana Chinzah chuan Seminar buatsaihtute chungah lawmthu a sawi a, Social Media Platform hmangtuten midang pawisawinan leh inbumna lam hawi atan hmang lovin, he platform hi eizawnna leh zirna atante, loneih leh thildang dangah tangkai taka hmantheih a nihna hi hman tangkai a tul a tih thu a sawi.
Adviser to CM chuan Internet hmanga inbumna leh dan palzutna hluar lutuk mai chu vei tham a tling tih sawiin, chhungkua leh khawtlangah thutha in hrilh ringawt chu a tawkzo tawhlo a ti a, dan hriatlohna chu thiamchanna a nih loh vangin helam hawi inzirtirna hi uar deuh deuh tul a tih thu a sawi a, Cyber crime rate tihniam turin mitinin mahni hmazawn theuh ah tanla turin a sawm.
Lawngtlai a Cyber crime seminar neih hi MJA Gen. Hqrs President Pu C.Lalrambuatsaiha'n a kaihruai a, Pu Jeremia Vanlalhmachhuana Dy.SP, Cyber Crime chuan Cyber crime chungchang a hriattur pawimawhte a sawia, zawhna leh sawihona hun hman a ni.