Editorial || SORKAR TAWIAWM THIAM A NGAI.

Democracy ramah hian Eptu lam hnapuiber ni a lang chu, Rorellaite thiltih sawihnawm leh sawizel a ni mai awm e.

Mizoram ah hian hunreitak Congress leh MNF ten thuneihna an lo chang tawh a, tunah ZPM chuan thuneihna an chang ve mek a, ZPM Sorkar hi a chhiat a thatah tun hi tehfung lekduhtan lek hun pawh a la ni chiahlo maithei, kum 5 han Sorkar ve phawt sela, an that bik lemloh chuan tha zawktura an ngaih chu mipuiin an thlang mai ang.

Tute Party pawn Sorkarna siam sela, Kristian ramah hian Vairam lama an kaldan ang lalutin, Sorkar beihna hrang hrang hriattur a awm deuh reng a, heng hian Sorkar erawh a khalhngil em em lemlo maithei e. Beihna awm tur leh beih huntur chu a awm teh meuh a, Sorkar lai sawichhiat hnapui bera neih ngawt mai hi ram hmangaihna zia nilovin, thuneihna changtu lamah tana, a thau sawh duhte chezia a ni zawk mah awm e.

Sorkar hi tute paw'n siam sela, thiltha turah ah chuan a nawlpui hian tawiawm thin zawk ila, chu chu a Kristianin, ram paw'n a rah a seng hma anga, ram hmangaihtute awmdan tur ze diktak pawh a ni zawkin a rinawm.

Sorkarin tihtumbik a neihte a hlawhtlin theihlohna tur lo buaipui chiam aiin, a hlawhtlin theih dantur lo thlirpui chu mipangngai zia a nih hmel zawka, Mizoram ah State dang nena khaikhin chuan mihring Uihum zat chauh kan awma, Sorkar kan tawiawm dan hi thlak hret ila, malsawmna pawh kan dawng nasain, chu zemawi chuan reiloteah khawvel a dengchhuak ngei ngei ang.