Ngengpui Wildlife Sanctuary chhehvel ah Ram Sai a chhuak mek a, Sorkar chuan tinalo tur leh mipui fimkhur turin a hriattir.

Tunlai hian Lawngtlai District chhung Ngengpui Wildlife Sanctuary chhehvel ah Ram Sai a chhuak mek a, Deputy Conservator of Forest, Chhimtuipui Wildlife Division chuan mipui fimkhur tur leh Sai hi tinalo turin a hriattir.

Sai hi Ngengpui khua atanga Kilometres thum vel a hla thlawhma ah hmuh niin, nizan lam khan Thlam tihchhiat pawh a nei ni a sawi a ni a, Ngengpui Sanctuary chhehvel ah hian kumtin tihtheih deuhthaw  Sai hi chhuakin loneitute Buh leh thlai leh thlam te a tihchhiatsak thin a, Sorkar lam pawhin a theih ang angin zangnadawmna pawh a ngaihtuah thin.

Sai chungchangah hian Dr.R.Lalruatfela, Deputy Conservator of Forest, Chhimtuipui Wildlife Division  chuan mipui hriattur thuchhuah siamin, he sai hi tun dinhmunah Mampui leh Khawmawi khaw chhehvel ah a che tla mek tih a tarlanga, Lawngtlai atanga South Bungtlang inkara khaw awm te a bik takin khualzin leh lonei mite fimkhur tur leh chhawnchhaiha, tina loturin a hriattira,  Sai hi  hmu emaw, a awmna chin   hria  chuan mahni khua theuha Wildlife Guard-te a rang lama hriattir zel turin a ngen.

Sai hi The Wildlife Protection Act, 1972, in Schedule-I hnuaiah dahin, chhawnchhaih, tawktarh, tur a hrai, tihnat emaw tihhlum a khap a, he dan hi bawhchhiat anih chuan, pawisa cheng 25,000 aia tlem lo leh lung in ah, alo berah kum 3 atanga kum 7 thleng tan theih a ni tih Deputy Conservator of Forest thuchhuahah chuan tarlan tel a ni.