.jpg)
Sorkar thil hi mahni ta anga entur tih hi inzirtirna atana hmanuar tak, tunlai ah chuan hmanzui em em ngai tawhlo tura ngaih a ni a, Vantlang bungrua mahni bungrua anga entur tihte pawh sawi nawn ngai tawh lovin kan thiam viau thawh in a hriat.
Sorkar hnathawkte hi mipui tana thawk an ni a, mipui hlawhfa ti pawhin sawi ila, a sual tamlo maithei. Sorkar hnathawkten an thawhsak mipui tana hna an thawhna atan hmanturin Motor an kawl thin a, an Motor kawl chu Sorkar ta a ni a, Sorkar neitu chu mipui a ni a, mipui motor an kawl tihna a ni thei ang.
Sorkar motor kawltu thenkhat ten an motor kawl an hmandan chuan mipui mit a tikham chang a awm thin a, a nihna takah chuan Sorkar hnathawkin a hnathawhnan Motor a kawl chu ama mimal pawimawh leh chhungkua pawimawh ang chi ah te, tlangtaka sawi dawn chuan fate School kaltur thlahnan te, feh nante hman tur a nilo, hetianga anihdanlo tur anga hmang an awm chuan eiru nen danglamna a tamlo in a rinawm.
Mizoram hi State rethei a ni a, Sorkar hnathawk, mipui hlawhfate hi a chhawrtu, an thawhsak mipui aiin an nuamsa tih a chianga, he hun inkhaidiat la in thlung mar fello laiah ram a ding mek a, mipui lam thikthu a chhelo em em a, Sorkar motor chu mimal motor ang maia hmangte pawh endawng chu sawiloh, ngaihsan rukna a la awm lek lek a, heihian min kiansan telh telh thung.
Sorkar motor kawl chuan a hmanna tur diktak, Sorkarin a kawltirna chhan ah hmangse a zahawmin, chu chu hnathawktu thain a tihdantur pawh a nih ngei a rinawm.