PRESS RELEASE
DISTRICT HOSPITAL LAWNGTLAIAH CT SCAN DAH A NI DAWN.
- Dr. Lorrain Lalpekliana Chinzah
Adviser to CM (H&FW & Agri.) Gov't of Mizoram.
Dated 09th September, 2024 : Vawiin khan ZPM Office Lawngtlaiah chhung inkhawm programme hman a ni a. He hun hman puitu Lawngtlai East MLA, Dr. Lorrain Lalpekliana Chinzah, Adviser to Chief Minister (H&FW & Agri.) chuan "Lawngtlai District in kan mamawh em em CT Scan chu District Hospital Lawngtlaiah dah tura hmalakna kal pui mek a ni a. A dahna hmun tur pawh tun aṭanga reilo te ah buaipui a ni dawn a, hriselna kawnga hma kan sawn theihna turin sawrkarin theihtawp chhuahin hma a lak mek a ni. " a ti.
Adviser to Chief Minister chuan, Lawngtlai District chhunga power supply ṭhalo lutuk chu sawrkarin a ngaihpawimawh thu sawi bawkin, P & E Minister leh Department lama mi thiamte pawhin an buaipui mek thu a sawi a. Hriselna kawnga Lawngtlai District-in hma a sawn zel theihna turin PHC, CHC leh HWC te thuam chak tura hmalak mek a nih thu a sawi bawk a, Mizoram Sawrkar chuan District Jail engemaw zat sak ṭhat tumin hma a la mek a, Lawngtlai District Jail pawh sak ṭhat tur zingah a tel ve ngei a beisei thu a sawi bawk.
Pu N. Zangura, MDC pawhin thusawiin, LADC kaihruai mektu Congress leh MNF thawkdun sawrkar lakah mipuite'n beiseina an neih loh thu a sawi a. MNF chu an innghahna thupui 'Pathian leh kan ram tan' tih phuahtu meuh pawhin awm rengna tlakah a ngaih tawhloh avangin a chhuahsan hial tawh a ni, a ti a. 'MNF MDC te chu Lal leh thuneih chaka tuihal an nih avangin, an huat em em thin Congress MDC 1 lek pawh CEM tirin, LADC ah ro an rel mek a ni' a ti bawk a, Congress chu an bu pui ber central aṭang an tlak chhiat tawh avangin, khin tham leh beih tlak an awm tawhlo a ti a. Nakum MDC inthlan lo awm turah ZPM chu mipuite beisei awm chhun kan ni tawh a ni, a ti.
He hunah hian Pu H. Liantluanga, President MUP Lawngtlai Branch chuan ZPM zawm tharin, Lawngtlai East MLA chuan party ah a lawmlut a. Chhung Inkhawm Programme hi Pu B. Lalrinsanga, Vice President chuan kaihruaiin, Pu B. Lianngaia Adviser chuan hunserh a hmang a. MLA, MDC, ZPM Lai District Headquarters Lawngtlai hruaitute leh party mi thahnem tak an kalkhawm a ni.
Issued by :-
Media, IT & Publicity Dept. ZPM Lai District Headquarters
Lawngtlai, Mizoram.
PR No. ZPM-04/Lai-DHQ/IT/2024-2026/40 Dated Lawngtlai, Monday, The 09th September, 2024.