YLA Sub Hqrs. Siaha, YLA Golden Jubilee Sport, Central YLA Gen. Secretary in khuallian niin a hmanpui.

Lawngtlai District a tlawmngai pawl lianber Young Lai Association   kum 50 tlinna  Golden Jubilee kawmna neih chhoh mek a ni.

Young Lai Association Golden Jubilee hi kumin kumtir lam atang khan kawng hrang hrangin lawm chhoh a ni a, Infiamna lam hawite, Hnam ziarang pholang thei zai leh lam a intihsiak te, intihhlimna lam hawi te, vantlang tana thiltha tih nan ten JGolden Jubilee lawmna hi kalpui mek niin, a lawmna pui ber chu November 19-21, 2024 hian neih tum a ni. 

YLA Golden Jubilee lawmna neih chhoh mek ah hian YLA Sub Hqrs Siaha chuan vawiin khan Siahatla Futsal Ground ah Sport meet neiin Central YLA General Secretary Pu Joseph Lalhmingthanga Chinzah chuan khuallian niin a hmanpui a, Central YLA General Secretary chuan   YLA kum 50 kan lo tlin hian kan pawl innghahna lungphum pawimawh ber Kristian nundan mawi chawisan a ni tih i hre thar ila, Lal Isua zirtirna te   kan nunpui tur a ni a ti a,  tawng   thiam hi  hnam nihna leh ziarang humhalhna tha ber a ni a, Laifaten Lai tawng thiam ngei an tum hi an tihtur liantak a ni a ti a, Central YLA General Secretary chuan  Hnam anga hma kan sawn theihnan chuan tupawh kan thawhpui thei  tur a ni a ti bawk.