Lawngtlai District, Bungtlang South BDO, Pu Gilbert Lalhlimpuia chuan Bungtlang South Higher Secondary School a zirlaite mahin inpea a zirtir thin vangin Mizoram Chief Minister in Ngaihhlutna thuziak (Letter of Appreciation) a hlan.
Bungtlang South Higher Secondary School ah hian Arts Subject paruk, English, Political Science, Socialogy, History, Education leh Mizo awmin, tun dinhmunah Zirtirtu pathum an awm mek.
Bungtlang South BDO hian Bungtlang South a School hrang hrangte tlawh kualin, Higher Secondary School ah Zirtirtu an indaihloh vangin Zirlai naupangte hmakhua ngaiin, mahni inpein, a hunawl, Office kai hma leh hunthawl a neih ah te naupangte a zirtir thin a, a hun awl neihdan azirin School Classroom lam ah te, a chenna BDO Quarters ah te zirlaite hi a zirtir thin.Kan tarlan tawh angin Official atanga The Lawngtlai Post in thu a sawn danin, Bungtlang South Higher Secondary School ah hian Zirtirtu hmunruak pathum a awm mek a, hnawhkhah tumin Sorkar chuan hma a la reng a, Zirtirtutur a dah zingah harsatna hrang hrang neih vanga zawm talo an awm a, hnadang thawhduh zawk vang a zawmlo pawh a awm a, hunkhaihlak insiamrem ngai a la awm vangin Zirtirtu hmunruak hi la hnawhkhah loh a ni.
 |
| The Lawngtlai Post |