Young Lai Association Golden Jubilee lawmna kalmek ah Bethel Veng Branch YLA, Lawngtlai chuan an veng chhunga khawsak harsa, mahni In sa theilo an sak sak mek.
Bethel Veng hian vawiin khan In sak hnatlang hi khawtlang huap a kovin, a chung, a chhuat leh khawihtur pawimawh awm apiang an buaipui a, hnatlangah hian mi 100 bawr vel an thawk chhuak a, hnatlang hi Ni li, ni nga vel an neih leh chuan luahtheihin an zawhfel beisei a ni.
In hi a dung feet 24 a vang feet 15 Assam Type a sak niin, Bethel Veng Branch YLA hruaitute chuan YLA Jubilee puala khawsak harsa tana In sa awmchhun ni a an inhriatthu sawiin, vengchhung leh pawnlam atanga an mamawh hrang hranga puitute chungah lawmthu an sawi.
Young Lai Association Golden Jubilee hi kumin kumtir lam atang khan kawng hrang hrangin lawm chhoh a ni a, Infiamna lam hawite, Hnam ziarang pholang thei zai leh lam a intihsiak te, intihhlimna lam hawi te, vantlang tana thiltha tih nan ten Golden Jubilee lawmna hi kalpui mek niin, a lawmna pui ber chu November 19-21, 2024 hian neih tum a ni.
Tags
News