B Shyam, Joint Secretary, Ministry of External Affairs, Govt of India leh Central Young Lai Association hruaitute vawiin khan an inkawm.
He inkawmna hi State Guest House, Aizawl ah neih niin. Kaladan Multi Modal Transit Transport Project kalpui mek bak ah Zorinpui (Zochachhuah), Lawngtlai District a insumdawn tawnna kal mek chungchang te an sawiho.
Central YLA hruaitute chuan chuan India Act East Policy chu tha antih thu leh an thlawp tlat thu Joint Secretary hi an hrilh a, tuna insumdawn tawnna kalpui mekah erawh sawrkar in mumal zawk a kalpui anih theih nan hmalakna nei thei se an duh thu thlenin, Immigration check post siam te, Border Commercial Haat buatsaihte a hmalama hmalakna awm thei se an duh thu thlenin. India ram sawrkarin Border fencing kalpui a tum pawh an thlawp thu leh a tul hle ni a an hriat thu an sawi.
KMMTTP Lawngtlai leh Zorinpui inkar kawngchhia avanga harsatna tawh mek pawh sawiin, helai ram chhungah ram neitu compensation la dawng lo te pawh a hma lama pek annih theih hmalakpui turin an ngen bawk.
B Shyam, chuan Central YLA thu thlen te chu thil pawimawh tak mai leh tih makmawh anih thu sawiin, a tihhlawhtlin dantur zawn a ni ang a ti a. Central YLA chu helai project hlawhtlinna kawngah an pawimawh takzet a ni a ti a, Central YLA chu he Project a hlawhtlinnan dinhmun pawimawhtak luahtu a ni, a ti.
Tags
News