"Kan ramin Zirna leh Hriselna lama hmasawn theihnan nasa takin tan ka la ang" titu kan MLA leh Adviser to CM ni bawk Dr Lorrain Lalpekliana Chinzah chuan nimin khan Lawngtlaia Samagra Office leh Govt College Veng High School leh Southern Standard Middle School, College veng a tlawh.
Samagra Office leh Sikul tlawhna ah Dr. Lorraina chuan "Zirtirtu leh Office hnathawktute chu kan hnathawhna hmun hi Pathian biakna hmun angin ngai ila, Rinawm tak leh rilru thianghlim takin thawhhona tha tak hnuaia thawk theuh ila, tichuan, Pathian malsawmna tam tak kan ramin a dawn tur thu a sawi. A sawi zelna ah MLA chuan ZPM Sorkarin zirna a ngaih pawimawh thu sawiin, Lawngtlai chu Literacy rate ah a hniam thu a sawi a, hemi kawnga hma kan sawn theihnan Samagra Office leh zirna in chuan mawhphurhna sang tak an neih thu a sawi bawk. Adviser to CM chuan ZPM sorkarin aikal chungchang hmalakna hrang hrang chu tih puitlin anih theihna Office staff leh Officers te chu thawhpui atan a sawm tel bawk.
Sikul thuneitute chuan MLA hnenah an mamawh thil tul an thlen hlawm a, MLA chuan theihtawp chhuaha hmalak anih tur thu a hrilh. Lawngtlai East bialtu MLA, Adviser to CM hi DIPRO leh Samagra Official te bakah ZPM Party hruaituten an tawiawm.