Lawngtlai East lam, Sangau RD Block ah buhfai chhekkhawlsa a awm nual a, mipui tan hlauhthawn tur a awmlo.
Nimin leh niminpiah khan Lawngtlai DCSO, Pu Lalrinsanga chuan Sangau RD Block huamchhunga Buhfai chhekkhawl dinhmun a hmunah a enfiah a, DCSO hian Bualpui Ng, Vawmbuk, South Lungpher, Lungtian leh Sangau te tlawhin Buhfai dinhmun bakah mipui a buhfai semchhuahdan te a en a, heng a tlawh khua ah te hian khawtlang hruaituten Supply Department a thlentur an neihte an lo sawipui bakah Retailer ten harsatna an tawh thenkhat te an lo thlen.
DCSO in a tlawhlai hian Sangau kudam ah buhfai chhekkhawl 2749.34qtls awmin Lungtian Kudam ah 259.53qtls a awm a, heng Kudam pahniha Buhfai chhekkhawl te hi fur ruahtui tlak vanga engemaw harsatna kawngping leh buhfai lakluhna ah thildang harsatna a thlen palh pawh a Sangau RD block huamchhunga mipuiten buhfai an dawntur a chatlakloh nan a chhekkhawl a ni a, kudam dang ah chuan furpui laia buhfai chhekkhawl hi a hranin neih sorkar in tul a tih loh vangin Sangau leh Lungtian ah hian chhekkhawl a ni.
DCSO, Lawngtlai hian Vawmbuk leh South Lungpher a Kudam leh thawktute chennatur sakmek pawh a en a, tundinhmun ah South Lungpher a mi chu sakzawh a niṭep tawh a, Vawmbuk a mi chu a ruhrel leh a chhuat zawhfel thawkhat tawh niin heng khua pahnihah te hian hna thawh chhoh mek a ni.
Buhfai a thlawna sorkar in a pekthin thenkat te pawhin DCSO Lawngtlai chu lo hmuin, khawsak harsa tak tak an nih thu leh Sorkar in a thlawna thlatin buhfai a pe thin chu Sorkar chungah an lawm takzet tih an hrilh.
Tags
News