CEM chuan, Lawngtlai khawpui chhunga Streetlight bill chu LADC in a chawi thin tih sawiin, Streetlight mipuiin an chhawr tangkailoh, engtheilo pawh a awm nual a an hriatthute, Sorkarin sum a senral ve reng vangin khawpuiin a tangkaipui zawk theih nan hmathar lak ngai a a hriat thu a sawi.
Pu LZ. Tluanga, Joint Secretary,GAD chuan LADC Sorkarin a enfiahna ah Lawngtlai khawpui chhunga Streetlight 152 vel awm tih sawiin, eng mumal tawh silo engemawzat a awm tih Sorkarin a hriatthu a sawi.
VCP te chuan Lawngtlai khawpui a Streelight chu thuamthata, tangkai zawka mipuiin an chhawr chu an duhthusam a nih thu an sawi a, Streetlight engtheilo / chhia te chu an huamchhungah an lo thlak fo thin thu te an sawi langa, hmalakdanturah rawtna an neihte sawiho ani.
CEM Pu C.Lalmuanthanga chuan VCP te nen Meeting an neih chuan rahtha a chhuah ngei a beisei tih sawiin Sorkar lamin Power & Electricity Department lam pawh an lo dawr tur thu leh a tuldan anga VCP te nen Meeting la neih leh nise thaa a hriat thu a sawi.
CEM hova khawpui chhung VCP te Meeting ah hian Executive Member, LAD changtu Pu.L Daniala pawh a tel.