Vawiin 20.8.2024 khan Lawngtlai District Students' Association leh MLA Lawngtlai East Assembly Constituency leh Adviser to Chief Minister nibawk Dr.Lorrain Lalpekliana Chinzah te tangkawp chuan, Lawngtlai East Assembly Constituency huamchhunga kumin 2024 a HSLC leh HSSLC Distinction a pass chinte chawimawina, LADC Conference Hall ah an hmang.
He hun hmanna ah hian Dr.Lorrain Lalpekliana Chinzah, MLA leh Adviser to Chief Minister nibawk chu khuallian ni in, Pu.Zoramsiama Hmar Additional DC Lawngtlai chu khual zahawm a ni. Chief Guest Dr.Lorrain Lalpekliana Chinzah aiawhin Pu.MC Lalramchhana, President ZPM Lai District Headquarters chuan thu sawiin, Pathian hre reng chunga lehkha zir a pawimawh zia zirlaite hnenah a sawi a, LDSA ten zirlaite chawimawina program an buatsaih chu lawmawm a tih thu a sawi bawk. Guest of Honor Pu.Zoramsiama Hmar pawhin fuihna thu tha tak tak naupangte hnenah a sawi bawk a ni.
Vawiin a LDSA leh Lawngtlai East MLA ten program an buatsaih ah hian, Lawngtlai East Assembly Constituency huamchhuga zirlaite atangin HSLC leh HSSLC zirlai ti tha mi sawmthum paruk (36) hnenah chawimawina thuziak hlan ni in, Top-10 a lang mi pathum hnenah thuziak leh cheng singkhat ( Rs.10000 ) theuh pek an ni.
LDSA President, Pu.F.Lalkulhchungnunga chuan fuihna leh lawmthu sawiin he hun hi a titawp a ni.