Internet signal chhiat vangin Retailer 75 te Offline Mode in buhfai semtir an ni.

Internet chhiat vangin Lawngtlai DCSO hnuai a Fair Price Shop ten Electronic Point of Scale (e-POS Machine) hmanga mipui a buhfai pekchhuahturah harsatna an tawk nasa.

Lawngtlai District hi Sangau RD Block huam chhung Eastern Zone leh Lawngtlai leh a chhehvel Central Zone leh Ngengpuithlang lam Western zone angin a thentheih a, a bikin Ngengpui thlang Western zone lam ah Internet signal thatloh vangin Retailer ten e-POS Machine hmanga buhfai semchhuah ah harsatna an tawk nasa a, heihi Sorkar thuneitu lam ah DCSO Lawngtlai chuan thlenin tun dinhmun ah Western zone ah Retailer 74 leh Eastern zone ah Retailer pakhat chu Offiline Mode a buhfai semchhuah Sorkarin a phalsak mek.

DCSO Lawngtlai Pu Lalrinsanga chuan Central Zone Lawngtlai leh a chhehvel bakah Eastern Zone Sangau RD Block huamchhung ah chuan Online Mode a buhfai pekchhuah ah Retailer ten harsatna an tawk nep deuh tih a sawi a, tunlai hian e-POS Machine in Internet signal a dawn nana Simcard a hmante chu Retailer ten Signal manthatna zawk an hria a nih chuan thlak phalsak an ni a, mahni thu a lo thlak ngawt erawh a remloh thu leh thuneitute hriatpuina hnuaiah Retailer ten an tihvetur an tihfel hnu ah thlak theih a nih thu Supply Department hotute chuan an sawi.