ZORAM PEOPLES' MOVEMENT“LAI DISTRICT HEADQUARTERS
LAWNGTLAI
Press Release
35 of 2023 (No. 35-ZPM/LD/PR-2023)
"
ZPM sawrkar tir tur hian Mizoram mipui an inpeih tawh. "
- Pu Lalnunsema, ZPM MLA candidate.
Lawngtlai, 6th September (Wednesday) Vawiin khan Pu Lalnunsema, Lawngtlai West biala ZPM MLA candidate chuan Paithar MDC constituency huam chhunga khaw hrang hrang tlawhin hun a hmang a. Mipuiin an lo làwm hle.
Pu Lalnunsema chuan thusawiin, Mizoram kohhran hrang hrang hruaitute hian maicham ah pawh awmze neiin thu an sawi tawh a, chu chu kohhran member ten kan zawm tlang hle in ka hria a ni, a ti a. " Chutiang boruak chu Vairengte atanga Tawngkolong inkara thil thleng mek a ni" a ti bawk.
A sawi zelna ah, "ZPM chuan langtlang thei ang berin hna kan thawk anga ; a dum chu a dum, a var chu a var a ni tawh dawn a. Cheng 5 hi cheng 1 a ni ve ngai dawnlo a ni." a ti. Eirukna hi rethei leh chanhai zawkte dam khawchhuahna kawng daltu lian tak leh, an mahni rap bettu a ni a, retheite retheih chhan leh hausate hauhsak chhan kan hmu bawk a, tuna kan ram dinhmun en hian lung hi a awi mawlhlo, lairil hi a na vawng vawng a ni. Chuvang chuan kei, Lalnunsema ZPM official candidate hi Pathian leh mipuite zara ka lo tling ve mial a nih chuan "Ka eiru ve ngailo ang tih hi Pathian leh mipuite hmaah ka intiamna a ni e" a ti.
Paithar MDC bial tlawha zin, ZPM MLA candidate hi ZPM Lai Dist. Hqtrs, Lawngtlai atangin Pu MC. Lalramchhana, President leh hruaitu dang mi engemaw zatin an tawiawm a ni.
Kalphung thar, mipui sawrkar.
Issued by :-
IT & Publicity Dept. Lai District Hqtrs, Lawngtlai.