Electoral Roll thar siammek ah, Hearing neih mek ani.

        Second Special Summary Revision of Photo Electoral Roll 2023 neih mek ah, Lawngtlai District a Assembly bial pathum ah Hearing neih mek a ni.

        Second Special Summary Revision of  Photo Electoral Roll 2023 neih mek ah hian Electoral Roll a luhdilna bakah mahni Vote neihna hmun sawndilna leh Electoral Roll atanga paih ngaite endik hna chu September thlatir atang khan Lawngtlai District a Assembly bial pathum, Tuichawng, Lawngtlai West leh Lawngtlai East ah te neih a ni a, hearing hi khua leh veng hrang hrang ah  neihchhohmek niin, Official lam bakah Political Party aiawh, VC leh Tlawmngaipawl aiawh te Hearing neihna ah hian telin, inthlanna felfai leh dik a awmtheih nan Electoral Roll rintlak a awmtheih nan fimkhur takin hearing hi neih mek a ni.

Electoral Roll thar siammek a behchhana hman Draft Electoral Roll chu August 2, 2023 khan Pu H.Lalhmingthanga District Election Officer, Lawngtlai chuan tlangzarhin, August thla chhung zawng Electoral Roll a luh dilna leh sawitur neite tan hun hawn niin, buaipuizui ngai awmte chu enfiah chhoh mek niin hearing hi tunthla Ni 22 hmaa zawhfel tura tih niin, buaipui ngaite buaipuifel a nih hnu ah kumin Assembly inthlanpuia hmantur Electoral Roll chu thlathar October 4 ah tlangzarh a ni ang.

Electoral Roll thar siam nan a behchhana hman, Draft electoral roll  a lan danin,  Tuichawng bial ah vote nei   35,372 an awm a;  Lawngtlai West   bialah vote nei   28,825 an awm a;  Lawngtlai East  ah voter   25,552 an awm a; assembly bial pathumah hian vote nei mipa 44,846 leh hmeichhia 44,903, an vaiin mi 89,749 an awm.