Chawngte khawchhung kawngpui chhiat avanga lungawi lohna lantir nan kawngzawh an rel.
Central Young Chakma Association President, Dr. Jyotir Bikash Chakma kaihhruaina hnuaiah chawngte a Chakma leh mizo tlawmngaipawl hrang hrang te vawiin khan Central YCA office ah an thukhawm a, Chawngte khawpui chhung harsatna tawh hrang hrang sawihoin hmalak an rel.
Vawiin a rorelah hian Chawngte khawchhung kawng chhia chungchang sawiin mipui harsatna tawh mek chu hreawm an tiin, na an ti hle a, mihring leh lirthei tha taka kal thei tura kawngpui siam a nih theih nan hmalak nise an ti a, kawng siamthat a nih theih chak taka hma la turin sorkar an phut a, Dt. 4. Sept. 2023 (Thawhtanni) hian Peacefull procession neih nise, hemi ni hian Mizoram sorkar ah Chawngte SDO (C) kal tlangin memorandum thehluh nise, september ni 9 thlenga hmalak a awm lo a nih chuan a tul angin hmalak zel tum a ni.
Tin, Ruihhlo leh sualna hrang hrang laka kan inven theih nan Chawngte Area a, veng hrang hrangah mi inluah turte chuan an lo kalna khua YCA/YMA/YLA te hriatpuina lehkha an nei ngei tur a ni a, khawtlangah harsatna siam an awmin NGO ten in hrilhhria a hmalak ho nise an ti.
Bazaar building luah tlak loh a nih avanga kawngpui dunga bazaar chungchang leh khawpui chhung faina leh thianghlimna lama nghawng thalo tak a neih dante an sawi ho a, bazaar ni in NGO te a huhova duty in bawlhhlawh paih mai mai lo turin in hrilhhriat nise an ti bawk.