District Wise Staff Training on Community Based Organisation Grading Lawngtlai ah neih ani.

MzSRLM hnuaiah District Wise Staff Training on Community Based Organisation Grading chu nimin  leh vawiin khan Lawngtlai Press Club ah neih a ni.

Training hi  RD Block panga, Lawngtlai, Siaha, Tipa, Bungtlang South leh Chawngte RD Block tan buatsaih niin, Block Mission Manager pahnih Pu Jerry Zirnunmawia leh Pu B. Lalhriatchhunga ten Training a telte chu an hriattur pawimawh hrang hrang te an zirtir, mipui vantlang bechhana inhlawmkhawm, Self Help Group, Village Organisation leh Cluster Level Federation te enkawldan leh an hmalakna tehfung hrang hrang hmanga tehdan te zirtir an ni.

Tundinhmun ah Siaha leh Tipa RD Block ah Self Help Group 670 awmin Village Organisation 71 leh Cluster Level Federation 7 an awm mek a, Lawngtlai, Chawngte leh Bungtlang South RD Block ah Self Help Group 1278, Village Organisation 116 awmin Cluster Level Federation 9 an awm mek.  

Heng mipui vantlang bechhana inhlawmkhawm  Self Help Group, Village Organisation leh Cluster Level Federation  te hian eizawnna nghialnghet neiturin Sorkar enpuina hnuaiah hmalakna h
rang hrang an kalpui mek.