.jpg)
Ramneituten an sawidanin High Court in ram neitu diktak mi 138 a tichianga, Zangnadawmna chu State Sorkar leh Ministry of Road Transport & Highway ruahmanna a pektur a ni a, State Sorkar hnuaia Forest Department chuan mi 138 te ram telin, ram zautak an ramah an hauhlui tlata, heihian zangnadawmna an hmuhtur a tikhawtlai an ti.
August thlatir atangin DCF Office an danga, KMMTTP a an ramchhungah hnathawktute chetvel an remtilova, Zangnadawmna hmutur hian kum 14 zet an lo nghak tawh a, harsatna an tawh hi a tamtawhin, mipuilam tan phei chuan ngaihdan siam harsa khawpin KMMTTP Zangnadawmna hian boruak a nei chhofo a nih hi.
Land Owners Association te dinhmun hi Media hmanga puanzar a nifova, thuneitute pawh vawi tamtak lehkha, leh hmaichhanah te dawrin hma an lo la tawh thinin an la mek a, hetihlai hian engngatinge State Sorkar hi a ngawih tlat tih lai hi zawhna liantak, Sorkar bawkin a chhantheihtur niin a lang a, Sorkar chu mipui vanga awm a ni a, Ram neituten Forest Department hian an ram nilo an hauhlui tlat ni a an puhnate hi thudik a ni em ? Sorkar hian sawifiahtur a neilo emaw, Sorkar an puhna hi a dika a ngawi ta zawk nge, khua leh tui ten thudik an hriat hi an chanvo a nihve na laite pawh a awmin a hriat a, Sorkar hian an puhna hi chhang sela, chutatang chuan Lawngtlai District mipuite tawrhna awmchhomek ah pawh a tuartu mipui ten hawilam tur an hriatphah ngeiin a rinawm.