Bial 20 awmna Chakma Autonomous District Council a bial 19 a inthlanna a vote tla te nimina chhiar zawh takah sorkarna siam thei khawpa party mal chak an awm lova, a siam thei teuh ber MNF party in seat 10 an la a, BJP in seat 5 an la a, INC in seat 4 an la.
CADC a Rengkashya bial ah BJP Candidate tualthih vangin a nawlpuia inthlanna neihrualin neihtheih a nilova, May 17 khian he bial ah hian inthlanna neih a ni dawn a, chuhtumte tan vawiin atang khan hming pekhun hawn a ni a, Rengkashya MDC Constituency a vote tlate chu May 19 ah Chawngte ah chhiar a ni ang.
CADC 11-na-ah hian CADC 10-naa MDC mi 16 chu an dinna bial ngaiah theuh ding nawn lehin, mi 7 chu thlan nawn an ni a, mi thar 12 an tling bawk.
CADC a Member 10 nei, MNF Legislature Party chuan nimin khan Borapansury-I atanga thlantlin Pu Rashik Mohan Chakma chu an hruaitu atan an thlang a, BJP Legislature Party pawhin Pu Nirupam Chakma, Kamalanagar South atanga thlantlin chu an hruaitu atan an thlang.
Bial 19 a Chakma Autonomous District Council (CADC) hnuaia Member of District Council (MDC) Inthlanpui ah khan Vote zaa 93.75 a tla a ni.
Tags
News