CADC Polling Party ten an duty natur an pan kim tawh.

Natuka Chakma Autonomous District Council inthlanpui neih tura inthlanna buaipuitur ten an Duty na tur hmun an pankim tawh.

Polling Station 70 awmna CADC ah hian BJP Candidate a thih vanga inthlanna neihtheihlohna tur bial Rengkashya biala Polling Station pathum tellovin, naktuk hian bial 20 awmna CADC a bial 19 a Polling Station 67 ah mipuiten zing dar 7 atanga tlai dar 5 inkar ah vote an thlak dawn a... Rengkashya bial ah hian tunthla Ni 17 ah vote thlak a ni thung dawn a ni.

Nmin khan Polling Party 52 ten an duty na tur hmun an pana, vawiin khan Chawngte leh a chhehvel a duty tur Polling Party 15 ten an duty na tur an pan leh a, vawiin khan naktuk zing atanga mipui ten vote an thlak theih nan inthlanna buaipuitute hian Polling booth enfel leh siamrem hna an thawk.

CADC inthlanna a Returning Officer, Lawngtlai DC, Pu David Lalthantluanga chuan Inthlanna buaipuitute chu duhsakna hlanin, an chanvo theuh tha taka hlenchhuak turin a chah