MHIP ten Bangladesh Raltlan tanpuina an hlan.

Vawiin khan MHIP ten Bangladesh atanga an sahimna zawnga Lawngtlai District a luttte tanpuina, Lawngtlai DC leh Executive Secretary  Baptist Church of Mizoram, Lawngtlai Area hnen ah an hlan.

MHIP General Hqrs in Bangladesh raltlan te tanpuina atana a ruahman Rs.1,53,130/- chu MHIP Sub Hqrs Lawngtlai hruaituten Lawngtlai Pu David Lalthantluanga hnen ah an hlan a, MHIP Sub Hqrs Lawngtlai ten Bangladesh raltlante tanpui nana an lakkhawm pawisafai Rs. 60,000/- bakah Mutbu, Thawmhnaw leh eitur lam chi thahnem tak chu Executive Secretary, BCM, Lawngtlai Area, Rev.Dr.H.Lalthlamuana kut ah vawiin vek khan an hlan bawk.

Lawngtlai DC leh Executive Secretary te chuan mangangtaka an sahimna zawnga rawn lutte tanpui nan a MHIP in theihtawp a chhuah chu lawmawm an tih thu an sawi.

Tundinhmun ah Bangladesh raltlan, Lawngtlai District chhungah Sorkarin a chhinchhiah danin mi 598   an awm mek a, Sorkar in a la chhinchiahfelloh te nen chuan 700 vel an awm mek tur a ngaih niin, Myanmar raltlan 5700 an awmmek bawk