Chakma Autonomous Dist Council ah rorel turin MNF party chu a inbuatsaih mek a, nimin khan BJP, MDC pathum- Santosh Chakma, Parimal Chakma leh Montu Chakma ten BJP bansanin MNF Party an zawm a, tihian MNF Party chuan MDC 13 a nei ta a ni.
BJP, MDC thlan thar 3 te hian MNF Legislature Party Leader Rasik Mohan Chakma leh District Council & Minority Affairs Secretary hnenah lehkha thawnin nimin khan BJP Party an chhuahsan thu leh MNF Party chu an zawm thu an tarlang a, BJP Party atanga an banna lehkha an thil tel bawk.
MNF Legislature Party Leader Rasik Mohan Chakma chuan hemi hnu hian District Council & Minority Affairs Secretary hnenah lehkha thawnin BJP, MDC pathum ten MNF Legislature Party an zawm a ti a, MNF chuan MDC 13 a nei tih a sawi a, MNF in sorkarna an siam theih thu hi Governor hnenah a thlen.
CADC –a sorkarna siam tur hian seat 20 ah seat 11 lak tur a ni a, inthlanna neih a khan MNF chuan seat 10 la in sawrkarna siam thei chiahlo mahse nimina BJP , MDC pathum ten MNF an zawm vangin MNF Legislature Party ah tundinhmun ah MDC 13 awmin CADC ah hian Sorkarna an siamthei dawn ta a ni.
Tags
News