Member Secretary Pu K.Lalromawia Deputy Conservator of Forest, LADC chuan Green Mizoram Day hmandan tlangpui sawifiah hmasain, nikuma thing 350 phun chu a vaia a nunvek thu leh nguntaka enkawlzui a nih thu a sawi.
Vawiin thutkhawm ah hian kumina Lawngtlai a Green Mizoram Day hmantur relniin, Green Mizoram Day, June 11 chu Pathianni a nih vangin June 9, 2023 ah hman nise an ti a, Kaladan Multi Modal Transit Transport Project kawngpuikam ah, nikum lama thingphun tawhna hmabak ah kumin hian thingtiak 380 phuh nise an ti a, Deputy Commissioner chu khuallian atan ruat niin, khuallian ho hian State leh LADC a mipawimawhten a bika thing an phunna tur ruahman nise an ti a, Day puala inkhawm tawi chu thingphunnatur hmun remchang ah hman nise, hetah hian kangmei vengtha khua / Veng thlanchhuahte hnenah lawmman hlan nise an ti.
Vawiin Meetingah hian kumin Green Mizoram Day thupui atan 'Thingphun ila, enkawlzui ang u' tih hman a nih thu sawilan niin, thupui behchhan hian Department hrang hrang ten an thingphun enkawlzuise, nakum Green Mizoram Day hman hun ah Thingphun enkawlthaber hnen ah lawmman hlan nise an ti.
Nakum lama Green Mizoram Day hman a nih leh hunah, kawngpui kama thingphunte hlamchhiah silovin, Sorkar hmun ruak remchanglai, ramngaw a siamtheihtur lo zawnlawka, ramngaw siamtura hmalaknise an ti bawk.
Vawiin Meeting ah hian Sorkar Department hrang hrang hotute, Zirna In leh Tlawmngaipawl aiawhte, District MJA hruaitute an tel.