Pu L Daniala chuan, Laifa zirlai thahnemtak chawimawina hlan tur an awm chu lawmawm a tih thu sawiin, ram leh hnam ti hmingtha tura theihtawp chhuah chhunzawm zel turin a sawm a. Ram leh hnam nghahfak chu zirlaite an ni tih hria a, ram leh hnam tana chhenfakawm tak ni thei ngei tura thiamna sang zawk nei ngei tura zir chhunchawm zel turin a sawm a. HSLC leh HSSLC-a hlawhtlinna chang zo talote pawh hnual mai lo tur leh hlawhchhamna chu hlawhtlinna neih tirtu atana hmang thiam turin a chah bawk a ni.
Lai Students Association Gen. Hqrs Lawngtlai ten Zirlai titha chawimawina hlan te hi HSLC leh HSSLC-a Distinction a passed chinte an ni a, chawimawina thuziak hlan an ni. Zirlai ti tha chawimawite zingah hian HSSLC-a Top ten a lang zirlai pathum- Hmingthanzami, D/o T. Zakunga, Lawngtlai College Veng, Science stream ah Pali na ; H. Vanlalrini, D/o H. Lalnghakzuala, Lawngtlai Council Veng, Commerce Stream ah Parukna leh Ruthi C. Lalengzuali, D/o C. Vanlianhmunga, Lawngtlai Council Veng Arts stream ah Pasarihna te bakah HSSLC-a Distinction a passed zirlai 24 leh HSLC-a Zirlai 38, an vaiin zirlai 62 te hnenah chawimawina hi hlan a ni.