LIKBK Central Thalai Pawl leh LADC a Education Dept. (M/S) chu Ruihhlo do na ah an thawkho dawn.

LADC a Education Department (Middle School ) leh Lairam Isua Krista Baptist Kohhran  Central Thalai Pawl te chuan, vawiin khan Ruihhlo do na a thawhdunna tur hrang hrang an duan chu an pawm.

Lairam Isua Krista Baptist Kohhran  Central Thalai Pawl chuan Thalaite ruihhlo in a run nasat vangin nasa zawka ruihhlo do kawngah tanlak nise a tih angin, May 28, 2023 a  Ruihlo Do  beihpuithlak hawnna,  Areopagy  Lawngtlai ah neih a nih hnua ah hmalakna bawhzui nan Central Thalai Pawl hruaitute chu  vawiin khan  Pu Andrew Laltlanzara, LADC a  Executive Member    Middle School changtu hovin an inkawma, a thuphunga thawhho an lo remtih tawh chu vawiin hian thawhhona tur hrang hrang an duan te thlirho  niin  an pawm a,  Education Dept  Middle School aiawhin Pu Andrew Laltlanzara, Executive Member  leh Central Thalai pawl aiawhin Rev. Lalchamliana Lai, Chairman LIKBKTP ten hming an ziak hnan.

Thawhdunna tur an ruahman zingah Middle School naupang te hnenah Ruihhlo thatlohzia kawng hrang hranga inzirtirna kalpui nise an ti a, Ruihhlo do campaign ah hian,athu a engemaw chen kalpui a nih bakah Lemziak leh thuziak hmang te, Zirlai naupang te  ruihhlo laka an fihlim theih nan a an rilru hnehtheihna tur kawng hrang hrang hmangin hmalak nise an ti.

 He hun hmanna hian, LADC a Education Dept. Officers ten Executive Member hi an tawiawm.