BJP Candidate tualthihna na ah mi 4 Jail ah dahluh an ni.

    Chakma Autonomous Council inthlanna lo awm tura Rengkashya Constituency a BJP Official Candidate Pu Amit Kumar Chakma tualthihna chungchangah  Lawngtlai SP Pu Pukhraj Kamal chuan mi pali Police ten  manin thubuai siamsak an ni tawh a ti.

Lawngtlai SP chuan, tunthla, May 4 zana mi kuttuara nunna chanta Pu Amit Kumar Chakma Nupui, Pi Rohita Chakma chuan Vasei Police station ah FIR a thehluta, Police ten rang taka bawhzuiin tual thattu ni a puh mi pali, Prema Ranjan Chakma te, Rupyan Chakma te, Chitro Ranjan Chakma leh Anan Jivan Chakma te chu man an nih thu vawiin khan The Chawngte Times Editor   a kawmna ah a sawi.

Lawngtlai SP chuan heng mi pali te bak hi Pu Amit Kumar Chakma tualthihna ah rinhlelh an la neih loh thu a sawi.

         Mi pali, BJP Candidate tualthihna a mawhphurhtu a puhte hi District Court Lawngtlai ah hruai niin District Jail, Lawngtlai ah dahluh an ni tawh.