ANM School, Lawngtlai a Zirlai leh Zirtirtute chuan District Hospital, Lawngtlai atanga Mizofed Filling Station panna kawngpui kam lungrem leh tuihawk luankawr te an thianfai a, ANM School leh a chhehvel pawh midangtan entawn tlak tlingin kumtluanin an vawngfai thin a, ANM School hian Faina lama hmala tha lawmman pawh an lo dawng fo tawh a ni.
Vawiin vek khan Lai Women Association, Electric Veng Branch leh Bazar Veng Branch te chuan an huamchhungah faina hnatlang thawkin, khawlai a bawlhhlawh chharfaiin, kawngkam leh tuiluankawr te an thianfai.
Lawngtlai ah hian Faina hnatlang thawk hriattur a awm deuh reng a, Vengbil leh Office mala thawk an awm deuh reng laiin, mimal thahnemngaite chetchhuahna hriattur a awm deuh reng bawk.
Faina lama hmalakna hrang hrang endiktura ruatte chuan tunlai hian an chanvo theuhte an endik mek a, endikna hi thlathum chhungin vawithum neihtura ruahman niin, endikna hnuhnungber result chu kumthar January thlaah DC Office ah thehluhtur a tih ani.