Vawiin tlai khan Lawngtlai Bawrhsap Pu Donny Lalruatsanga, Chairman District Disaster Management Authority chuan Thingkah a National Highway leiminin a hnawh leh, AOC Veng a vengchhung inkalpawhna leiminin a tihchhiatte a hmunah a enfiah.
Thingkah dai Leitan kawng chhaklam chu nimin chhun khan nasa takin a mina, heihian kawngpui hnawhin Lirthei kaltlang theih a nilova, Lirthei te chi te chu High School lam ah kaltir an ni.
Bawrhsap chuan leimin thenfai hna thawktu Company te chu mipuiin harsatna nasa zawk an tawhloh nan theihtawp chhuahturin a chah a, Company hotute chuan hna an thawh tluan theih chuan naktuk lamah Motor lian kaltlang theihin an thenfai theih an beisei a, ruahsur leh leitlak a tlakbelh nasat erawh chuan an beiseina chuan awmzia a neilo thei niin Bawrhsap hi an hrilh.
Pu Donny Lalruatsanga hian AOC Veng a, Suppy Kudam thlang a kawng chhuat bal chu a hmunah a enfiah bawk a, harsatna lian zawk a thlenloh nan a theih ang angin a sutkian hna thawh a nih tur thu a sawi.
Leimin a tlawhna hian AOC veng bialtu MDC, Pu LR Dingliana Chinzah bakah AOC Veng leh Thingkah khawtlang hruaituten Bawrhsap hi an lo dawngsawng.