Lawngtlai Dist. a Assembly bial pathum Draft E/Roll ah Voters 87,000 an awm.

    Vawiin khan Lawngtlai District chhunga Assembly bial pathum a Draft Electoral Roll chu District Election Officer, Lawngtlai DC,  Pu Amol Srivastava chuan DC Conference Hall ah a tlangzarh

    Election Officer Pi B.Malsawmtluangi chuan Electoral Roll dik leh felfai neitura tihtur leh tihloh tur te a sawi a, Electoral Roll thar siamturah mawhphurhna neiten thahnemngai taka an thawh a tulthute, mahni leh mahni pawh Electoral Roll a inziahluhdan te a dik leh diklohte inchik a that thu a sawi.

    Hemi hnu hian Lawngtlai DC chuan Lawngtlai District a Assembly bial pathum, Tuichawng, Lawngtlai West leh East Draft Electoral Roll a tlangzarh a, Draft Electoral Roll copy hi Political Party aiawhte hnen ah a hlan nghal.

    Draft Electoral Roll ah hian Assembly bial pathum ah Vote nei 87,000 awmin Mipa Vote nei 43,394 awmin Hmeichhia Vote nei 43,606 an awm a, Lawngtlai East bial a Sangau Vengthar Polling Station chu Vote nei tamna ber niin Voters 1021 an awm a, Voters 64 awmna  Lawngtlai West biala Chamdurtlang-II Polling Station chu Vote nei tlemna ber a ni.

    Electoral Roll siamthar turah hian thunluh, paih leh siamthat ngai tan vawiin atanga thlaleh December ni 8 thleng hun hawn a ni.