Nimin Thawhtanni tlailam dar 6 bawr velah khan Lawngtlai District chhung Hmawngbuchhuah khua ah mi pathum, hmaituam, Silai keng lutin, mipa pakhat an hruaibo.
Hmawngbuchhuah khua hi Lawngtlai District Chhimlam, Myanmar ramri hnaih a awm niin, Lawngtlai atangin Km 86 vela hla, Mog hnam hlang awmna a ni a, Lawngtlai SP mawhphurhna lamektu Pu C.Lalruatkima'n The Lawngtlai Post a hrilhdanin nizan thimhlim a mi pathum, hmaituam, silai keng an khuaa lut te chuan, [The Lawngtlai Post] Pathianni November Ni 6 a Hmawngbuchhuah khua Nula Mizinthui , (a Mizo hming Sangtei) nena innei Rachathaimo chu an hruaibo a, Sangtei pasal hi Tripura lam chhuak niin, Mog hnam a ni a, Guawhati a an Sakhaw puithiam te awmna hmunah a khawsa mek niin an sawi.
Pathianni khan Sangtei leh Rachathaimo te hi innei in, nimin Thawhtanni khan Sangtei U [The Lawngtlai Post] chuan chaweiah sawmin, chaw an eikham an hawlam hi misualte hi an tawng ta a, Sangtei Pasal hi an lo man bet a, hetia a Pasal an man hian Sangtei chu a au a, Sangtei a aulai hian an zinga pakhat chuan Leilam ah a silai chu vawikhat a hmetpuak a, Silai puak a hlauh avangin Sangtei chu an in lamah a tlanchhe ta a, hemi hnu hian a Pasal chu heng mi pathumte hian an hruaibo ta ni.
Inrukbona thlenna hmun hi Bungtlang South Police ten pannghalin, Lawngtlai atangin thilawmdan enfiaha, hnuchhuihna thawkturin Police tirhbelh an ni bawk, he thilthleng avang hian Hmawngbuchhuah leh a chhehvel khua te an ralkhel viau a, Police leh khawtlang hruaituten a theih ang angin hmalakna an kalpui mek.
Tags
News