Editorial || E / ROLL, FIMKHUR ZUAL NGAIH HUNLAI A NI.

Electoral Roll siamthar turah, thunbelh ngai, paihngai leh siamthatngai tan hun hawn mek a ni a, tumdang zawng aiin tuntuma Electoral Roll siamthar tur ah hian fimkhurzual a ngaih a rinawm.

Lawngtlai District hi ramdang Bangladesh leh Myanmar nen ramri thuitak intawm a nih vangin ramri lehlama chengte chu kan unaute tihtheih, khawihmunah pawh an ni deuhfura, heivang hian danlova rawnlut pawh hriattur an awm fo thin.

Myanmar ram buaiin a zuia, raltlan engemawzat an awmmek a, hengmite hian an chetvelna tihawlsam nan India khua leh tui nihna neihtuma buaipui pawh hriattur an awm thin a, Sorkar a fimkhura, NGO te an fimkhura, heng fimkhurna hi a tawkzolo in a rinawm a, Political Party ten tan an lak a ngai viauin a rinawm.

Politician ten an lamtang theitura ngaihte rem leh remlo chung chunga Vote an neihtheih dantur dappui a awmtheih a, helai tak hi ven ulukngailai a nih a rinawm a, NGO lam chuan ramdangmi hi enhran vang nilovin, mihrang an nihna zawnah India khua leh tui ten an chanvo ang an chan ve a remlohna hi an hmuchiang viauin a hriat a, kiltinah tanrual hunlai a ni a, khawilaiah emaw pawp a awm chuan, a tuartur chu keimahnai tho kan nih vangin Electoral Roll, dik leh felfai tak a awmtheih nan, tun hi  fimkhur zual hunlai a ni.