Vawiin tlailam dar 4 vel khan Power & Electricity Department, Lawngtlai a thawk, Pu Francis Rochungnunga, College Veng chu AOC veng a Power line a siamlaiin Electric current in manin, District Hospital panpui nimahse, chhan theih a nilo.
The Lawngtlai Post thudawnna in a tarlandanin Power line an siamdawn hian Control room lam chu Pu Francis-a hian bepawpin, Shut-down a lakfel hnu ah a banah lawnin engemawchen hna a thawh hnu ah Current hian a man ta a ni.
Vanduaina thlenna hmun hi a bulhnaia awm leh a hria apiang ten pankhawm nghal mahse, chhanchhuah hna hi thawh nghal zung zung theih a nilova, Pu Francis-a hi Electric in a man hnu hian, banlerah Electirc hruiah tangin, mitlawmngaiten an lakthlak hnu ah District Hospital panpui niin a nunna chhantheih a ni ta lo a ni.
Pu Francisa hian a nupui leh a fate pahnih a kalsan. Ruang hi zanin ah tlaivarpui a ni anga, naktukah tihtur tulte tihfel zawh ah Cheural ah phurh chhoh turin ruahmanna siam a ni.
Lawngtlai Power Division E.E Pu laldawngliana chuan vanduaina thleng chu amah leh an Department chuan pawi an titakzet tih The Lawngtlai Post hrilihin, thilthlendan hi nguntaka chhui a nihtur thu leh thildiklo titu chu a phutawk hremna pek a nih tur thu a sawi a, vanduaina tawkte a tawrhpui takzet tih Pu Laldawngliana chuan a sawi bawk.
Pu Laldawngliana E.E hi Office tulpawimawh ah Aizawla a awmlai a ni a, thilthleng a hriat ve leh Lawngtlai lam a rawn pan mek.