Bungtlang South R.D. Block hnuaia Filling Station hmasaber, Bungtlang South a Lyno Filling Station chu vawiin khan Lai Autonomous District Council a Chief Executive Member Pu V. Zirsanga'n a hawng.
Pu V. Zirsanga CEM LADC chuan , Bungtlang South RD Block hnuaia western belt mipuite tana thil lawmawm tak mai, Lyno Filling Station hawn a ni thei ta chu alawmawm danglam bik hle a ni, a ti a, mipuiten tangkai taka an chhawr a duhsak hle tih a sawi.
Khawvelah thil inthup atam hle a, hai chhuak turin Pathianin ama anpui a, mihring a siam te hi kan ni a. Thawkrim leh tih takzeta thawhrimna chuan atawpah man pe tur leh thawkrimte tan thil ropui min pe zel a ni, a ti.
He hunah hian MNF Dist Hqrs Lawngtlaia President Pu Lalzahawma Chinzah pawn khualzahawm niin thu a sawi bawk.
He hun hi Pu LN Lalhmachhuana Bialtu MDC in a kaihruai a, hunserh hi Rev. Ramnghakmawia'n hmangin, Technical Report hi Pu L. Lalfela'n a pe a, vote of thanks hi Upa L. Sanalha a nei.
Lyno Filling Station, Bungtlang South hi January 15, 2019 a thawhtan niin, cheng nuai 70 senga siam a ni. Tunah hian Petrol leh Diesel Trip khat ve ve a thleng tawh.
Pu V. Zirsanga hi LADC a Executive Members - Pu C. Rongura, Pu Andrew Laltlanzara, Pu BN Thangpuia, Adviser to CEM Pu N. Zangura leh MNF Dist. Hqrs. Lawngtlaia party hruaituten an tawiawm a ni.
Tags
News