Editorial || POWER VANGA VANDUAINA THLENG THIN HI.

Hmanni lawkah Rulkual ah mitlawmngai, Power line chhia siama thawk chhuak ten nunna hlutak an chanphah a, nimin mai ah Lawngtlai ah vanduaina dang a thleng zui a, a tuartute an lainatawmin, hetianga vanduaina a thleng leh thin hi a pawitakzet ani.

P&E Department hi mipuinen innghengreng, hunbi pawh sawitheilo a thawkrim, an hnalah hna hlauhawmtak ni bawk si a ni a, an hna hi mipui pawn an hrethiamin, harsatna a thlen pawn a khawnawta puih an ngaih pawn mipuiin hrehna an nei ngailo.

Hetiang karah hian fimkhurtawkloh vanga ngaihtheih vanga vanduaina a thleng leh thin hi a pawi khawp mai tih ah hian kan duhtawk ang tih a hlauhthawnawm ta in a hriat a, Department hian inenfiahin inenletna darthlalang atan hmangse, vanduaina dang hi thlengzui tawhlo hram teh se.

Hetianga chhiatna a thlen hian rangtakin chhuichiangtu indinin Sorkar chuan hma a la zung zung thin a, Department chhung atanga chhuichian a nih rualin, mahni leh mahni inchhui hi mipui hah a dam thei thinlova, chuichian a nih pawn vanduaina tawktu mipuilamin an rinna an nghahngamna tur ten nguntakin chhui thinse a duhawm ngawt ang.

Tunhi inpuhmawha, indem tawnna hun a nilova, vanduaina kan tawhhi insiamthatnan bultanna atan hman hun a ni a, heihi hmalatheitu Sorkar hian a ngaihthah a thiang lovang, kan tuarzuizel ang tih hi mipui in kan hlau takzet tawh.