Nimin 3rd November 2022 tlai a vanduaithlak tak mai a AOC veng a current line siam mek a nih lai a chetsualna thlengah, P & E pisaa MR hnathawk lai Pu Francis Rochungnunga S/o Chhiahkama College Veng, Lawngtlai nunna hial kan chanta hi pawi kan tiin, a nupui fa naute leh chhungte kan tawrhpui takzet a ni. He thil thleng hi hnathawktute inthlahdah vang niin a lang a, chuvang chuan NSUI chuan he thil thleng hi a ngai thutakin, he thil thleng a mawhphurtute zawng zawng hrem ngei turin thuneitu sang zawk ah a thlen dawn a ni.
Tunhnaiah kan Lawngtlai district chhungah electric current kalsual avangin thawktu te nunna kan chan nual ta mai hian ngaihtuahna a tithuiin, ngawihbopui theih mai chi niin a lang lo. He thilah hian Power & Electricity Department te an fimkhur tawklo hle niin a lang a, hunlo la kal leh zel tur atan pawh kan lo fimkhur leh zual theihnan he thil thleng nunna hial channa a mawhphurtute a na thei ang ber a hrem turin kan ngenin, thil thlendan zirchiang turin Inquiry Commission din ngei nise kan ti bawk a, thawktute indaihlohna a awm anih chuan chingfel turin kan phut bawk a ni.
Sd/-
(L.LALRINPUIA)
General Secretary
NSUI, Lawngtlai District
------------
No.A.NSUI(Lti) DHQ/PR/2022/20
Dt. 04/11/2022