10th CADC ah hian MNF Party in sorkarna siam mekin tuntumah hian Sorkarna pangngai dinchhoh leh a nih chuan Term khat chhungin CEM tum ruk lakluh a nihna a thleng ang.
CADC, MNF Lagislature party te chu CADC Rest house ah thukhawm nghal in hruaitu thar an thlangchhuak thei lova, MNF Gen Hqrs thu an ngaichang mek
Nimin khan BJP chuan Chakma Autonomous District Council MNF sorkar chu term khat chhunga in thlak zing lutuk avangin duh lohna lantir nan kawng an zawh.
Kawngzawh ah hian, Kamalanagar - I bazaar atangin Civil SDO pisa thleng kalin, Civil SDO kaltlangin Mizoram Governor hnenah CADC Sorkar thiattur a ngenna an thehlut.
Pu Molin Kumar, BJP Block President chuan , CADC MNF kaihhruai sorkar rintlak an nih loh zia sawiin CEM in thlak zing lutuk chu sorkar ngelnghet lohna a lantir a, Mipui ten CADC MNF Sorkar chu thiah nise in thlan that an duh ani, a ti.
10th CADC hi kum 2018 khan in thlanna neih a ni a, BJP atangin CEM hmasa ber Pu Santi Jiban Chakma chu, Pu Rashik Mohan Chakma MNF in a thlak a, CADC MDC te hi MNF Party ah lut vekin, CEM Pu Rashik Mohan chakma chu Pu Durjya Dhan Chakma chuan a thlak leh a, Pu Rashik Mohan chakma chu term khat chhunga CEM tum hnihna a tan thlang lehin reilote ah Pu Buddha Lila Chakma hian a thlak leh a, nimin khan CEM Pu Buddha Lila Chakma chuan CADC Session ah banna a thehlut a ni.