Sangau Kum 200 tlinna (Bicentenary) lawmna ah hian Lawngtlai East bialtu MLA leh Vice Chairman Agriculture Development Board chu khuallian (Chief Guest) niin Khual zahawm (Guest of Honour) atan Pu K.Sangchhum Ex-Deputy Speaker hman a ni bawk.
Khullian Pu H.Biakzaua chuan Sangau khua chu India ram chhunga Lai tawng hmang tamna ber leh khawpui ber ani a, tin, Sangau leh a chhehvel te pawh International Border area a awm an nih avangin kawng engkimah fimkhur a, hnam zia leh nihna humhim zel turin a chah a ni. Khuallian Pu H.Biakzaua hian Sangau kum 200 tlin lawmna lungphun a hawng nghal bawk.
Sangau Kum 200 tlin lawmna hi niminpiah lamah nilenga hman anih hnuin nimin tlaiah ruai ropui tak buatsaihin Sangau khawtlang huapin an kil ho a ni. Ruai siamna atan Lawi-2, Bawng-2, Vawk-5 bakah Sa chi hrang hrang engemaw zat siam a ni.
Sangau Bicentenary lawmna hi vawiin hian chhunzawm leh a ni dawn a, Khuallian atan Pu H.Rammawi, Planning Board Vice Chairman hman ani dawn a, Khualzahawm (Guest of honour) atan Pu JB Vanhoy EM LADC hman ani bawk ang.
Sangau Kum 200 tlin lawmna ah hian Mizoram huap a zaithiam tak takte leh hnam lam hmuhnawm tak tak bakah Programme hlimawm leh hlawk tak tak te hman thin niin, Sangau khua bakah Sangau khuaa lo awm tawh leh he hun hmangtura sawm ten hlim leh hlawktakin Kum 200 tlinna hi an lawm.