Kar khat chhung Faina Hapta Lawngtlai a hman tur chu Inrinni zing kar khan Lawngtlai DC Pu Amol Srivastava chuan a hawng.
Pu Amol Srivastava chuan Faina tih hian, Sawkar Programme emaw tia Sorkar tihtur ah kan lo ngai mai ang tih a hlauhthawn thu sawiin, Faina chu mitin ta, mi zawng zawngin kan ngaih pawimawh tur ani tih a sawi a. Faina kawnga Sawrkar leh VC te hmalakna chu thataka mipui ten kan zawm chuan, he Lawngtlai Khawpui hi nasa leh zualin alo thianghlim ang a, he rama cheng mihringte pawh kan lo hrisel dawn ani tiin, Faina Hapta kan hman hian Faina kawngah kan rilru puthmang alo danglam a, Faina leh thianghlimna kawngah kan tihtur leh tih lohturte min kawhhmuhtu atana kan hman theuh ka duh ani tiin kalkhawmte chu Faina kawnga midangte kawhhmuhtu an nih theuh a duh thu a sawi bawk.
He hunah hian Pu Alex Lalzawmpuia, Hindi Education Officer.LADC kaihhruaina hnuaiah kalkhawmte chuan Faina kawnga hmahruaitu ni tura intiamna an nei a. Lalenmawii, Swachh Bharat Mission(Urban) Brand Ambassador chuan kalkhawmte a taka bawlhhlawh sawngbawl dan zirtirna Demonstration hun a hmang bawk.
Latei Hringen, SBM(Urban) Brand Ambassador chuan zaia mipui awiin, GRHS NSS Unit chuan Street Play an show bawk.
Faina Hapta hawnna inkhawm hi Pu James Miahlung Addl.DC chuan a kaihruai a, Pi TT.Beikhaizi, District Project Officer. UD & PA Deptt. chuan lawmthu sawiin hun a khar ani.