Inrinni khan Government Lawngtlai College-ah NYK leh Zawlbuk Youth Club hiaihawtin Clean India 2.0 hawnna hun hman a ni a, Pu Jospeh Lalhmingthanga Chinzah, General Secretary, Central YLA in Khuallian niin a hmanpui.
Khuallian chuan Lawngtlai College chu Lawngtlaia zirna in sang ber a ni a, chuvangin a chhunga zirlaite pawh Lawngtlai-ah chuan miin mi pangngaiah an ngai a ni, tiin Zirlaite chu Faina leh Thianghlimna ngai pawimawh turin a fuih a. Mahni fai mai a tawk lova, rilru leh ngaihtuahna thianglim leh fai neih hi a bul ber leh pawimawh ber a ni. Zirna leh thiltuma hlawhtling tur pawhin rilru thianghlim leh dik neih a ngai a ni a ti.
CYLA in Ruihhlo dona kawnga hma a lakna kawng hrang hrangah pawh Lawngtlai College zirlaite chu theihtawp chhuah a, an zirlaiah hlawhtlinna an neih ngei theihna tura Ruihhlo laka fihlim mgei turin a chah bawk.
Clean India hawnna hun hman zawh hian Zirlai kalkhawmte chuan College leh a chhehvel tihfai hnatlang an nei zui nghal.
Clean India hawnna hun hi Zawlbuk Youth Club, Lawngtlai College President-in a kaihruaia, Govt. Lawngtlai College Students’ Union President leh hruaitu dangten an telpui a, CYLA General Secretary hi Vanlalchhuanga, Secretary, CYLA in a tawiawm.