Vawiin khan dan dik lova family pension la te inhnukdawk tur leh, Family pension chungchanga a hriattur pawimawh in zirtirna, Chawngte Treasury Sensitization team huaihawtin neih a ni.
CADC Art & Culture Hall ah neih, Treasury wise Sensitazation programme hi Chawngte Treasury Officer Pu Aldrin Lalrengpuia Ralte in a kaihruaia, Khuallian Chawngte Civil SDO Pu Lalnunpuia Renthlei, MCS in hun a hawng. Resource Person Pu Ellis H. Pachuau Audit & Account Officer A&T Southern Zone Lunglei chuan Family pension chungchang a hriattur pawimawh tak tak power point Presentation hmangin a sawifiah a, mipui kal khawm atangin zawhna leh chhanna hun hman a ni bawk.
Resource Person chuan, Mizoram Sorkarin dan dik lova Family Pension la te an awm chuan in Surrender hun a hawn chhung hian in surrender ngei tura an beisei thu an sawi a, khawtlang hruaitu kal khawm te hnenah pawh hetiang mite chu hriatpuina pek chungchangah pawh fimkhur tur leh dik taka hriatpuina te pe thin turin a fuih bawk a ni. Vawiin hun hmannaah hian Chawngte a, khawtlang hruaitu, Village Council, NGO hruaitu leh Sorkar mipawimawh te an tel tha hle.