September thla chhung khan Lawngtlai ah Ruihhlo, Heroin No.4 thahnem tak man a ni.

Lawngtlai Police ten thuchhuah an siama an tarlandanin, September thla chhung khan Tlawmngaipawl te nen an tanhona atangin Heroin No.4 Grams 143.41 an man a, heihi International Market a a hlutna ang chuan Rs. 71,70,500/- hu vel a ngaih a ni. Drugs an man kaihhnawih ah hian FIR 8 thehluh niin inhnahnawih a puh mi 13 man an ni. Lawngtlai Police chuan ruihhlo do na ah mipuite chu thawhhopui ah an sawm.

        Hetihlai hian Central Young Lai Association hnuai a din Drugs Reduction Squad chuan September thla chhung khan Heroin No.4 Hawng nga leh ruihhlo dang engemawzat an man a, heng ruihhlo a man a inhnamhnawih ni a ngaih mi 51 man an ni bawk, Drugs Reduction Squad te hian ruihhlo leh a neitu a ngaihte hi thuneitute hnen ah an hlan chhawng thin a, Lawngtlai khawpui a No.4 hluar lutuk pawh hmuhtheihin a vang chho tan tawh a, Drugs Reduction Squad thatichak tur hian mi inphal ten tanpuina an chhunglut deuh reng a, DRS hruaitute chuan ruihhlodo na ah anmahni puitu zawng zawngte chungah lawmthu an sawi.