Electoral Roll siamtharna, Special Intensive Revision neihmek ah Lawngtlai District chhunga Assembly bial pathum, Tuichawng, Lawngtlai West leh Lawngtlai East ah te Hearing neihmek a ni a, Central Young Lai Association hruaitute chuan Hearing neihna hmun engemawzat an thutchilh
Central YLA President Pu F.Lalrothanga chuan Electoral Roll ah chuangtur diktak an chuan theih nan theihtawpin hma an la tih sawiin, India khua leh tui nilo, Electoral Roll a luhtum an awm palha, hnawl an nihtheih nan Central YLA chuan tan a la nasa tih a sawi a, Branch YLA leh Sub Hqrs. YLA te chu an huamchhungah Hearing neihmek chu nguntaka vilturin an lo hriattir tawh tih Central YLA President chuan a sawi bawk. Hearing neihna hmun engemawzat, thil diklo thlen palh awlsamna lai ni a ngaihte chu Sub Hqrs leh Branch YLA ten an vil bakah, Central YLA hruaituite insemdarhin an thutchilh bawk.
Electoral Roll a luhdil, an dilna enfiah leh an mahni ngei inblana sawifiah ngaite enfiahna beihpuithlakna Electoral Roll Hearing ah hian, Electoral Roll a luhdil, he huna inlan tura tihte chuan an mahni nihna tichiangthei lehkha pawimawh an neihte kengin ERO / AERO te hmaah inlanin, an chungchang chu ERO/AERO ten Village Council, BLO leh Tlawmngai pawl aiawhte telna Village Level Standing Committee te nen inrawnkhawmin thutawp an siam.
Hearing a inlan tur hian Tuichawng bial atangin mi 15,374, Lawngtlai West atangin mi 10,626 leh Lawngtlai East atangin mi 6373, a vaiin Lawngtlai District a bial pathum atangin mi 32,373 koh an ni.
Electoral Roll thar siam mek chu kumin September 6 khian Final Roll tihchhuah a ni ang.
Tags
News