 |
| The Lawngtlai Post |
Zanin dar 7 vel khan Thingkah dai, Thingkah leh 3rd IR Bn. peng inkar ah Maruti Suzuki Alto MZ 02A 3377 chu kawngthlang ah tlanliamin a hmunah mipahnih an thi a, Car khalhtu in hliam natak a tuar.
Thite hi The Lawngtlai Post in a hriatdanin Laldinpari W/o Lalhmuliana 3rd IR,Armed Veng South, Aizawl leh Lalremruata 3rd IR, Armed Veng South Aizawl te niin, Car khalhtu Lalchhawnsanga,Lunglei Luangmual chuan hliam natak tuarin, District Hospital Lawngtlai ah enkawl mek a ni.
3rd IR Bn hmunpui, Thingkah ah Mitthi neiin, buaipui ngai buaipui turin Lawngtlai lam panin 3rd IR hmunpui atang hian motor pahnih an inzuia, Car chesual ta hian chhumzing karah a hma a tlan tlanpelh a tumna lamah vanduaina hi a thleng ta ni a sawi a ni.
Chetsualna a thite hi zanin ah 3rd IR Bn hmunpui Thingkah ah lumen an ni anga, naktuk lamah tihfel ngaite tihfel hnuah an veng lamah phurh a ni ang.
Chetsualna a thleng tih hriat a ni ve leh Thingkah khawtlang in chhanchhuah hna thawk nghalin, Lawngtlai atangin Tlangval Tlawmngai thahnemtak an thleng nghal bawk a, Lawngtlai DC chuan chhanchhuah hna thawktute mamawh lam nan Rs.20,000/- pe in, District thuneitute, Police hotute leh Central YLA hruaituten chetsualna thlenna hmun hi an thutchilh.